يستعد فريق عمل “علشانك يا بلدي” لروبابيكيا

حاليا يتم الاستعداد لايفنت recycling اسمه روبابكيا يتم فيه تجميع اكبر قدر ممكن من الورق من الطلاب والاساتدة ف جامعة عين شمس والمكتبات والشركات والمطابع ايضا ثم يتم بيعه لشركات اعادة التدوير لتوفير المصاريف لمشاريع الاهالي ف عزبة ابو قرن وهي احدي المناطق الفقيرة في مصر القديمة
يستعد فريق عمل “علشانك يا بلدي”  لروبابيكيا

مجموعه من الشباب سمعنا عنهم كتير انهم بيعملوا حاجات حلوه كتير بس مش فاهمين هم بيعملوا ايه تحديدا كل الي نعرفه انهم اسمه”علشانك يابلدي ” قربنا منهم عشان نفهم اكتر وكان لنا هذا الحوار: “علشانك يا بلدي كيان طلابي بجامعة عين شمس يهدف للتنمية المستدامة لاهالي عزبة ابو قرن في حي مصر القديمة عن طريق ٣ محاور اساسيه اقتصادية وتعليمية واغاثية:

-اقتصادية زي المشاريع صغيرة ، هدفة عمل مشاريع لبعض اهالي العزبة..
ويتم عن طريق دراسة جدوي واعطاء قرض حسن.
ومن المشاريع اللى اتعملت عربية خضار وفاكهه ومشغل خياطة ومخزن خردة

-تعليمية زي حضانه وزيتونة ومشكاه ومحو اميه

-اغاثية فريق هدفه سد الإحتياجات الأساسية لأهل العزبة من مأكل ومسكن وملبس
بيهتموا بكسوة الشتا ولبس المدارس ولبس العيد للاطفال في العزبة وشنط رمضان ولحمه العيد وكمان بيساعدوا في بناء الاسقف وتجهيز العرايس
من ضمن انجازتهم خلال العام السابق:

انشاء 10 أسقف و تصليح أرضية منزل.
تجهيز 7 عرائس.
توزيع 100 بطانية.

وأخيراً تروس
لتوفير مصدر دخل ثابت لسيدات العزبة عباره عن شقة في العزيه اتأجرت مشغل فيه مكن خياطة بيشتغل عايزين كمان يبقي براند اسمه “ع” وينافس الاسواق الموجودة وعائد تروس خاص بسيدات العزبة.

بنستعد لايفنت recycling اسمه روبابكيا
يتم فيه تجميع اكبر قدر ممكن من الورق من الطلاب والاساتدة ف جامعة عين شمس والمكتبات والشركات والمطابع ايضا ثم يتم بيعه لشركات اعادة التدوير لتوفير المصاريف لمشاريع الاهالي ف عزبة ابو قرن
ونقوم ايضا بتجميع كسوة الشتاء من خلال تجميع الملابس المستعملة من الطلاب وتنظيم معرض في العزبة لبيع الملابس للاهالي بسعر رمزي
السنة اللي فاتت جمعنا من الورق حوالي اكتر ٥ طن
وجمعنا كمان اكتر من ٤٠٠٠ قطعة ملابس وتوزيعها على ٢٥٠ اسرة فى كسوة الشتاء.واهدفنا نضاعب الاعداد دي ان شاء الله